Қызылордада ұрланған «Toyota Land Cruiser» автокөлігі іздестірілуде
oldkaz.kyzylorda-news.kz. Қызылорда қаласы, Құтпанов көшесі №2 үйдің гаражында тұрған автокөлік жоғалды. Бұл туралы Қызылорда ОПД баспасөз қызметіні хабарлады.
Оқиға 5 тамыз күні түнгі сағат 01:40-03:00 шамасында болған. Белгісіз біреулер мемлекеттік белгісі 011 QII/11 «TOYOTA LAND CRUISER 200» автокөлігін ұрлап, оқиға орнынан айдап кеткен.
Жедел іздестіру жұмыстарының нәтижесінде, қылмыс жасаған тұлғаның бет-бейнесі бейнебақылау камерасына түсіп қалғаны анықталды.
«Аталған қылмыс оқиғасы бойынша және күдікті тұлғаны таныған, білген, көрген, естіген куәлар болса, Қызылорда ОПД-нің 8/7242/29-70-10, 8/7242/29-56-46, 8-702-277-92-70, 8-705-131-47-00 байланыс телефондарына хабарласуыңызды сұраймыз. Хабарламашы туралы мәліметтер жарияланбайтындығына кепіл береміз», - дейді қызылордалық полицейлер.
Сондай-ақ, Қызылорда ОПД Қазақстан Республикасы Кылмыстық кодексінің 53 бабына сәйкес, кінәлі тұлғаның айыбын мойындап келуі қылмыстық жауаптылықты жеңілдететін мән-жайлар болып табылатындығын хабарлайды.
