Қазалыда құрылысшылар күні тойланды
oldkaz.kyzylorda-news.kz. Құрылысшылар күні қарсаңында Әйтеке би кентіндегі «RR» мейрамханасында салтанатты жиын өтті, деп хабарлайды аудан әкімінің баспасөз қызметі.
Құрыш қолды құрылысшылар мен сала ардагерлері қатысқан шарада Қазалы ауданының әкімі Мұрат Ергешбаев сөз сөйлеп, мәртебелі мамандық иелерін құттықтады.Аудан әкімі Мұрат Ергешбаев осындай жауапты міндет жүктелген мамандықты меңгеріп, қазыналы Қазалы жерінің көркеюі жолында талмай еңбек етіп жатқан бір топ құрылысшыларға облыс және аудан әкімінің «Алғыс хаты» табысталды.
Мерекелік шара үстінде «Қазалы Жолшы» ЖШС директоры Серік Өтегенов, «Қазалы Жолаушы» ЖШС директоры Бекқали Бекбауылов, «Қазалы Жолшы» ЖШС директорының орынбасары Досболат Әбжалелов, аудандық тұрғын үй коммуналдық шаруашылығы, жолаушылар көлігі және автомобиль бөлімінің басшысы Әліби Әбиев, аудандық құрылыс, сәулет және қала құрылысы бөлімінің басшысы Мұрат Әбсұлтанов «Қызылорда облысының автокөлік саласының құрылғанына 80 жыл» мерекелік медалімен марапатталды. Ал, аудандық құрылыс, сәулет және қала құрылысы бөлімінің бас маманы Еділғали Әлішевтің кеудесіне құрылыс комплексі және тұрғын үй коммуналдық шаруашылық қызмектерлері салалық кәсіподағының «Елеулі еңбегі үшін» төсбелгісі тағылды.
Салтанатты шарада аудандық ардагерлер кеңесінің төрағасы Оразғали Бекбанов, «Промстройсервис» ЖШС директоры Манарбек Еспенбетов, сала ардагері Әли Кәдірқұлов, аудандық мәслихат депутаты Қасқырбай Әлімбаев, «Сыр маржаны» ЖШС директорының орынбасары Талайлы Бөріқұлақов және тағы басқа бірқатар азаматтар құрылысшыларды мерекемен құттықтап, оларға толағай табыс тіледі.
Мерекеге арнайы шақырылған сала ардагерлеріне аудандық құрылыс, сәулет және қала құрылысы бөлімінің ұйымдастыруымен арнайы сый-сияпаттар тапсырылды.
Құрылысшылар мен сала ардагерлерінің құрметіне Р.Бағланова атындағы мәдениет орталығының өнерпаздары әсем әннен шашу шашып, көтеріңкі көңіл күй сыйлады.
