Қызылордада есірткі өсірген 33 жастағы азамат ұсталды
oldkaz.kyzylorda-news.kz. Қызылорда облысында сора өсімдігін өсірген азамат құрықталды. Бұл туралы полиция департаментінің баспасөз қызметі хабарлады.
«Көкнәр - 2019» жедел-профилактикалық шарасы барысында Жалағаш ауданының аумағындағы «Нарөлген» мекенінде 680 түп заңмен тыйым салынған сора өсімдігін өсірген Қызылорда қаласының 1986 жылғы тұрғыны ұсталды. Оқиға орнынан полицейлермен құрамында есірткі заты бар өсіруге тыйым салынған 680 түп, жалпы салмағы 187 кг сора өсімдігі алынды», - делінген хабарламада.
Аталған дерек бойынша ҚР ҚК-нің 300-бабының 2-бөлігінің 3-тармағымен сотқа дейінгі тергеп-тексеру амалдары жүргізілуде. Ұсталған азамат уақытша ұстау абақтысына қамалды.
