Есірткі еккен қызылордалық азамат ұсталды
oldkaz.kyzylorda-news.kz. Қызылордада «Көкнәр – 2019» жедел-профилактикалық іс-шарасы барысында есірткі затына ұқсас өсімдікті аса ірі мөлшерде өсірген 45 жастағы қала тұрғыны ұсталды.
Ол есірткіні Арал ауданының Жіңішкеқұм елді мекенінен шығыс бетке қарай 30 шақырымдай жерде өсірген.Оқиға орнында жедел-тергеу тобы қызметкерлерімен қарап-тексеру жұмыстары жүргізіліп, нәтижесінде 1507 түп заңмен тыйым салынған сора өсімдігіне ұқсас шөп, жалпы салмағы 252 келі сора анықталды.
Аталған дерек бойынша ҚР ҚК-нің 300-бабының 2-бөлігінің 1,3-тармақтарымен сотқа дейінгі тергеп-тексеру амалдары жүргізілуде. Ұсталған азамат Қызылорда қалалық Полиция басқармасының уақытша ұстау абақтысына қамаққа алынды.
