Kyzylorda-News.kz

oldkaz.kyzylorda-news.kz. Қармақшы ауданы «Тұрмағамбет» ЖШС-нің егістігінде «Ы.Жақаев атындағы Қазақ күріш шаруашылығы ҒЗИ» ЖШС-нің ғалымдарымен «Қызылорда облысының шаруашылықтарына инновациялық технологияларды қолдану арқылы майлы дақылдардың отандық сорттарын енгізу» тақырыбында семинар өтті.

 

Оған ауыл шаруашылығы басқармасының мамандары, аудандардың шаруашылық төрағалары мен өкілдері, институт басшылығы мен ғалымдар және ғылыми қызметкерлері қатысты.

Жиынның мақсаты инновациялық технологияларды қолдану арқылы майлы дақылдардың (майбұршақ пен мақсары) отандық сорттарын енгізу.

Институт ғалымдарының зерттеулері мен бәсекеге қабілетті озық технологияларын өндіріске енгізу мақсатында "Тұрмағамбет" ЖШС таңдалды. Нәтижесі көз қуантарлық.

Шаруашылық басшылығы институт ғалымдарымен байланысты нығайтып, жоғары өнімге қол жеткізуге қадам басты.

Тәжірибелер мен нәтижелер сарапталған жиында қатысушылар институт ғалымдарынан көкейлерінде жүрген сауалдарға жауап алды.