5 тамыз: Ел тарихында орын алған оқиғалар
Қазақстанда көлік қызметкерлерінің күніЖыл сайын тамыздың бірінші жексенбісінде атап өтіледі. Ресми мәртебесі бар және 1998 жылғы ҚР Президентінің жарлығымен бекітілген Қазақстан Республикасының кәсіби мерекелер тізбесіне кіреді.
1858 жылы тұңғыш трансатлантикалық телеграф ашылды. Патшайым Виктория мен АҚШ президенті Джеймс Бьюкенен бір-бірімен сәлемдемемен алмасты.
2004 жылы Қызылорда облысы Арал ауданында Көкарал бөгеті пайдалануға берілді.
2007 жылы Алматыда қазақ тілінде әлем ертегілері енгізілген алғашқы CD-дің тұсаукесер рәсімі өтті.
Барлық материалдарды Қазақ радиосының редакциясы тапсырған. Бұл үнтаспаның бір ерекшелігі, барлық материалдар қазақ тіліне аударылған. Ертегілер мемлекеттiк тiлдi үйренгісі келген адамдарға арналған бағалы оқу құралы болып табылады. Жалпы 6 үнтаспа шығарылған, әрқайсысының ұзақтығы - 100 минут. Әр CD-ға 10-12 ертегі енген, соның ішінде «Мысық пен қоян», «Арыстан мен түлкі», «Ақылды адам» және т.б. ертегілер бар.
2010 жылы «Жаңа толқын 2010» байқауының қазақстандық финалисі Қайрат Түнтеков таза күмістен, алтыннан және гауһардан жасалған скрипка кілтін иеленді.
