Қызылордалық полицейлер сенім телефондары туралы еске салды
oldkaz.kyzylorda-news.kz. Халықтың сенім деңгейін арттыру мақсатында Қызылорда облысының Полиция департаментінде сенім телефондары жұмыс жасауда. Полиция қызметкерлері тарапынан конституциялық құқықтары бұзылған азаматтармен байланысудың бұл тиімді жолы жіті бақылауға алынған.
Осы орайда, Қызылорда облысы Полиция департаментінің қызметтік автокөліктерге сенім телефондары жазылған. Бүгінгі күні аталған нөмірлер бойынша полиция қызметкерлерінің заңсыз іс-әрекетіне қатысты шағым, сонымен қатар, басқа да сұрақтар бойынша жүгінуге болады. Сенім телефондарына әрбір азамат өз құқықтары мен міндеттерін қорғау мақсатында кез келген уақытта қоңырау шала алады. Халық тарапынан келіп түскен әрбір сұрақ жіті қадағаланып, жауапсыз қалмайды.
Тәртіп сақшылары сенім телефондарынан бөлек, департамент басшылығының қабылдауына 29-50-26 немесе 29-56-87 телефондары арқылы жазылуға болады.
