Аймақ басшысының Жаңақорған ауданына жұмыс сапары басталды
oldkaz.kyzylorda-news.kz. Қызылорда облысының әкімі Қуанышбек Ысқақов Жаңақорған ауданына жұмыс сапарымен барып, ауданның әлеуметтік және өндірістік нысандарын аралап көреді. Бірнеше елдімекеннің тұрғындарымен кездесіп, мемлекеттік-жекеменшік әріптестік аясында салынған емдеу мекемелерінің ашылу салтанатына қатысады. Сонымен қатар, мемлекеттен атаулы әлеуметтік көмек алушы, жалғыз басты ана А.Ағаділованың үйіне барып, отбасының тыныс-тіршілігімен танысады.
Сапар барысында аймақ басшысы «Жаңарған Жаңақорған жастары» еріктілер тобының бастамасымен көп балалы жанұяға арналған жеке тұрғын үйдің іргетасын қалау рәсіміне қатысады деп күтілуде.
