17 шілдеге жоспарланған техникалық үзіліс болмайды
oldkaz.kyzylorda-news.kz. 2019 жылдың 17 шілдесінде сағат 03:00 мен 17:00 аралығында жерсеріктік, цифрлық және аналогтық эфирлік телерадиохабар тарату желілерінің техникалық қондырғыларында қызмет жабылуына байланысты жоспарлы-алдын алу жұмыстары жүргізілмейтін болды, деп хабарлайды «Хабар 24».
«Қазтелерадио» АҚ жерсеріктік және эфирлік желілердегі техникалық қондырғыларда қызмет жабылуына байланысты жоспарлы-алдын алу жұмыстарын тоқсан сайын жүргізеді. Бұл жұмыстар сапалы телерадиохабар таратуды қамтамасыз ету үшін қажет. Сонымен қатар тоқсандық жоспарлы-алдын алу жұмыстары қызметті ұзақ уақытқа өшіруге мүмкіндік береді, әрі осы мерзім ішінде техникалық қондырғыларды жетілдіру бойынша қосымша жұмыстар жүргізіледі.
