Акция аясында екі жеңімпаз марапатталды
oldkaz.kyzylorda-news.kz. Қызылорда облысы бойынша Мемлекеттік кірістер департаментінде «Чек талап ет – жүлде ұтып ал» акциясының жеңімпаздары марапатталды.
Департамент басшысы Ғалымжан Орынов акцияға халықтың белсенді болуы көңіл қуантарлық жағдай екенін, бұл науқанның ел қазынасын толтыруда ерекше маңызы бар екенін атап өтті. Сондай-ақ жеңімпаздар Айдос Мырзабек пен Жібек Рысбекованы арнайы 229 729 теңге көлеміндегі сертификаттармен құттықтап, жеңіске тігілген «IPhone 7» смартфондарын табыс етті.Естеріңізге сала кетейік, акция үстіміздегі жылдың 8-тамызына дейін жалғасатын болады. «100 күнге 100 смартфон» акциясы аясында елімізде әр күнде 1 смартфон нақты ұтысы болып тұрады.
Акцияға қатысу үшін App Store, Google Play market қосымшалары арқылы қатысушы және чек туралы мәліметтерді тіркейтін «Таңдау» тегін мобильді қосымшасын жүктеу қажет.
