ҚАЗАҚСТАНДА КӨЛІК БАҒАСЫ РЕСЕЙМЕН ТЕҢЕСУІ МҮМКІН
Алматыда көлік арзандады. Бірнеше күнде машина құны бірден 30 пайызға дейін төмендеп кеткен. Салдарынан отандық темір тұлпар сатушы компаниялар шығынға батып отыр. Олар сұранысты азайтпау үшін өз есептерінен көлік бағасын 30 пайызға қол жетімді қылыпты. Ал биліктегілер Ресейден әкелінетін машиналарға уақытша тыйым салмақшы.
Көршілес Ресейден келетін көлік импортына уақытша шектеу қойылуы мүмкін. Ел үкіметі бұл мәселені келесі аптада Мәскеуде талқылайды. Айта кетейік, былтыр елімізде 37 мың көлік құрастырылып, оның 32 мыңы сатылған. Жалпы көлік өндірісінің үлесін алдағы уақытта арттыру жоспарланып отыр. Ал сарапшылардың айтуынша, Ресей көліктеріне шектеу қойылса, елдегі автокөлік құны айтарлықтай құбылмайды.
«Шектеу қойғаннан көлік бағалары өзгермейді. Қазақстандағы ескі автокөліктер сол бағада болады. Бірақ алып келінген 2008 жылғы көлік бағаларының айырмашылығы болуы мүмкін. Нарық ашылғаннан кейін автокөліктердің бағасы төмендейді. Ресейден әкелініп жатқан көліктер сұранысты қанағаттандырып отыр», - дейді экономист-сарапшы Ахмет Шах Абылғазы.
Ал тәуелсіз автомобиль одағындағылар, ел үкіметі Ресей көліктерінің тасымалдануына тыйым салса, автокөлік нарығы 10 пайызға қымбаттайды дегенді айтады.
«Егер де автокөліктерге қатысты шектеу нақты қойылатын болса, елдегі көліктер бағасының шарықтауына әкеп соғады. Ресми диллерлер мен көлік алып-сатарлары тағы да бағаны көтереді. Соның салдарынан көпшілік жұрт темір тұлпарға қол жеткізу үшін біраз ақшасынан қағылады», - дейді тәуелсіз автомобиль одағының төрағасы Эдуард Эдоков.
Ал біріңғай экономикалық кеңістікке кіргелі елдегі автодилерлер керісінше көлік бағаларын төмендетті. Салондарда машиналардың құны оның маркаларына байланысты 15 пен 30 пайыз аралығында арзандап отыр. Мұндай қадамға отандық көлік сатушылар, сұранысты арттыру мақсатында барған.
«Біз көлік құнын өз есебімізден түсіріп отырмыз. Өйткені, автомобиль өндірісшілерімен баға саясаты бойынша белгілі бір келісімге әзірге келгеніміз жоқ. Өндірісшілермен келіссөздер ақпан айының соңында аяқталады. Нарық талабына байланысты оң шешім қабылданса, жағдай біршама оңалар деген үміттеміз. Қалай десек те, біз көлік бағасын көтермейміз», - дейді «Астана Моторс» ҚМК дистрибуция жөніндегі директоры Антон Афонин.
Елдегі көлік нарығында сауда-саттық өткен жылмен салыстырғанда 20 пайызға арзандаған. Сарапшылардың айтуынша, соңғы бес жылда машиналардың бағасы біртіндеп құлдырай бастапты. Енді ресми диллерлер шетел нарығына жұтылып, құрдымға кетпес үшін автосалондарда отандық көліктердің үлесін арттырмақ. Елімізде 2013 жылы 153 мың жеңіл көлік дилер көмегімен сатылған. Бұл көрсеткіш былтырғымен салыстырғанда екі мың көлікке аз. Ал Ресейде жылына 3 милион автокөлік сатылады екен.
Көршілес Ресейден келетін көлік импортына уақытша шектеу қойылуы мүмкін. Ел үкіметі бұл мәселені келесі аптада Мәскеуде талқылайды. Айта кетейік, былтыр елімізде 37 мың көлік құрастырылып, оның 32 мыңы сатылған. Жалпы көлік өндірісінің үлесін алдағы уақытта арттыру жоспарланып отыр. Ал сарапшылардың айтуынша, Ресей көліктеріне шектеу қойылса, елдегі автокөлік құны айтарлықтай құбылмайды.
«Шектеу қойғаннан көлік бағалары өзгермейді. Қазақстандағы ескі автокөліктер сол бағада болады. Бірақ алып келінген 2008 жылғы көлік бағаларының айырмашылығы болуы мүмкін. Нарық ашылғаннан кейін автокөліктердің бағасы төмендейді. Ресейден әкелініп жатқан көліктер сұранысты қанағаттандырып отыр», - дейді экономист-сарапшы Ахмет Шах Абылғазы.
Ал тәуелсіз автомобиль одағындағылар, ел үкіметі Ресей көліктерінің тасымалдануына тыйым салса, автокөлік нарығы 10 пайызға қымбаттайды дегенді айтады.
«Егер де автокөліктерге қатысты шектеу нақты қойылатын болса, елдегі көліктер бағасының шарықтауына әкеп соғады. Ресми диллерлер мен көлік алып-сатарлары тағы да бағаны көтереді. Соның салдарынан көпшілік жұрт темір тұлпарға қол жеткізу үшін біраз ақшасынан қағылады», - дейді тәуелсіз автомобиль одағының төрағасы Эдуард Эдоков.
Ал біріңғай экономикалық кеңістікке кіргелі елдегі автодилерлер керісінше көлік бағаларын төмендетті. Салондарда машиналардың құны оның маркаларына байланысты 15 пен 30 пайыз аралығында арзандап отыр. Мұндай қадамға отандық көлік сатушылар, сұранысты арттыру мақсатында барған.
«Біз көлік құнын өз есебімізден түсіріп отырмыз. Өйткені, автомобиль өндірісшілерімен баға саясаты бойынша белгілі бір келісімге әзірге келгеніміз жоқ. Өндірісшілермен келіссөздер ақпан айының соңында аяқталады. Нарық талабына байланысты оң шешім қабылданса, жағдай біршама оңалар деген үміттеміз. Қалай десек те, біз көлік бағасын көтермейміз», - дейді «Астана Моторс» ҚМК дистрибуция жөніндегі директоры Антон Афонин.
Елдегі көлік нарығында сауда-саттық өткен жылмен салыстырғанда 20 пайызға арзандаған. Сарапшылардың айтуынша, соңғы бес жылда машиналардың бағасы біртіндеп құлдырай бастапты. Енді ресми диллерлер шетел нарығына жұтылып, құрдымға кетпес үшін автосалондарда отандық көліктердің үлесін арттырмақ. Елімізде 2013 жылы 153 мың жеңіл көлік дилер көмегімен сатылған. Бұл көрсеткіш былтырғымен салыстырғанда екі мың көлікке аз. Ал Ресейде жылына 3 милион автокөлік сатылады екен.
