Қызылордалық шенеунік жұмысқа орналастыру үшін пара алған
oldkaz.kyzylorda-news.kz. Қызылордалық орман және жануарлар дүниесін қорғау мемлекеттік мекемесінің басшысы парамен ұсталды, деп хабарлайды ҚазАқпарат Сыбайлас жемқорлыққа қарсы іс-қимыл агенттігіне сілтеме жасап.«ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаменті «Қызылорда орман және жануарлар дүниесін қорғау жөніндегі мемлекеттік мекемесі» КММ басшысының пара алу фактісін анықтады. Ол КММ қызметкерінен оның танысын жұмысқа орналастырғаны үшін 300 мың теңге пара алды деп күдіктенуде», - делінген ресми хабарламада.
Кінәсін толық мойындауына байланысты күдіктіге қатысты процессуалдық ұстау шарасы қолданылмады.
«Тергеу жұмыстары жалғасып жатыр. Кінәлілік дәрежесін анықтау арқылы күдіктіге қатысты соңғы үкімді сот шығарады», - дейді СЖҚІҚА.
