Қызылордада түлектерге аттестат табыстау рәсімі өтті
oldkaz.kyzylorda-news.kz. Қызылорда қаласындағы үш тілде оқытатын дарынды балаларға арналған мамандандырылған сыныптары бар «Мұрагер» мектебінің түлектеріне қала әкімі Нұрлыбек Нәлібаев аттестат табыстады. Бұл туралы қала әкімдігінің баспасөз қызметі хабарлады.
![](https://oldkaz.kyzylorda-news.kz/uploads/posts/2019-06/1560403040_13kyzylordaattestat1.jpg)
Аталған білім ошағы 1919 жылы құрылып, 1969 жылдан бастап ағылшын тілін тереңдетіп оқытатын №2 мектеп атауына ие болған.
Бүгінде ғасырлық тарихы бар бұл білім ордасында 100-ге жуық оқушы мектеп бітіруші түлек. Мемлекеттік аттестаттаудың қорытындысы бойынша оның 8-і «Алтын белгі» және 10-ы «Үздік аттестат» иегері.
Мектеп интербелсенді тақталармен, заманауи техникамен жарақтандырылған. Сонымен қатар, ноутбуктармен жабдықталған лингофонды-мультимедиялық кабинет бар.
Айта кетейік, биыл Қызылорда қаласы бойынша мектепті 1 мың 725 оқушы бітіріп, 1 мың 315 түлек Ұлттық бірыңғай тестілеуде бағын сынамақ. 121 оқушы «Алтын белгіге» және 101 түлек «Үздік аттестатқа» үміткер. Сонымен қатар, 92 бітіруші халықаралық және республикалық жоғарғы оқу орындарының грант иегері.
![](https://oldkaz.kyzylorda-news.kz/uploads/posts/2019-06/1560403055_13kyzylordaattestat2.jpg)
![](https://oldkaz.kyzylorda-news.kz/uploads/posts/2019-06/1560403023_13kyzylordaattestat3.jpg)