13 маусым: Ел тарихында орын алған оқиғалар
1998 жылы Германияда Қазақстанның мәдениеті күндері басталды.2000 жылы Қызылорда облыстық мұрағаттар мен құжаттама бөлімі құрылды.
2001 жылы Алматыда I республикалық «Бөбек» шақырады» фестивалі өтті.
2009 жылы Дүниежүзілік банк пен ҚР Қаржы министрлігінің арасында «Батыс-Оңтүстік» автомобиль жолдарын дамыту жобасын іске асыру келісіміне қол қойылды.
2011 жылы «Бизнестің жол картасы - 2020» бағдарламасының «Іскерлік қарым-қатынастар» жобасы аясында шағын және орта бизнес кәсіпкерлерін оқыту басталды.
2016 жылы QazaqGeo қазақ ұлттық географиялық қоғамы «Ұлытау - Арал» ғылыми-зерттеу экспедициясын ұйымдастырды.
2017 жылы қазақстандық әнші Димаш Құдайберген «2017 MTV Global Chinese Music Awards» байқауының «Үздік шетелдік танымал әнші» аталымында жеңімпаз болды.
