Халық сенімі – халық таңдауы
Қай мемлекеттің де болашағы – сол елді басқаратын адамның сыртқы, ішкі саясаттағы ұстанымымен, әлем елдері алдындағы, халықаралық ұйымдар арасындағы биік беделімен байланысты.Осыны ескерсек, еліміз үшін аса маңызды саяси науқанда қазақстандықтар дұрыс таңдау жасады деп ойлаймын. Өйткені, Қазақстан Республикасының жаңа президенті Қасым-Жомарт Тоқаев халық таңдауына лайық тұлға.
Сайлауда жеті үміткердің ішінен 70,96 пайыз дауыс басымдығымен айқын жеңіске жеткен Қасым-Жомарт Кемелұлының мемлекет басқаруда мол тәжірибесі бар.
Жоғары лауазымды қызметтердің барлық сатыларынан өткен сарабдал саясаткер, елшілік қызметтер атқарған жылдары да өзге елдермен арадағы дипломатиялық қарым қатынастарды реттеп, мәмілегерлігімен халық сенімінен шықты.
Қазақстанның тұңғыш Президенті, Елбасы Нұрсұлтан Назарбаевтың келешекке жасалған жоспарларын жалғастырып, мемлекеттік бағдарламаларын жүзеге асырады деп сенемін.
Халық – Құдайдың бір аты. Ендеше, халық таңдауы – еліміздің мүддесіне қызмет жасайды.
Кенжеғара СҮЛЕЙМЕНОВ,
Жалағаш аудандық қоғамдық кеңес төрағасы.
