«Мен алғаш дауыс беремін»: Аманаттықтар жастармен кездесті
oldkaz.kyzylorda-news.kz. Қызылорда облыстық «Аманат» азаматтық платформасы президенттік сайлауда алғаш рет дауыс беретін сырбойылық жастармен кездесті.Облыстық сайлау комиссиясының төрағасы Абайбек Жүнісов Қазақстан Президенті сайлауын өткізу барысын, дауыс беру тәртібі, 2019 жылғы сайлаудың ерекшеліктері туралы жастарға толық мәлімет берді. Еліміздің барлық аймағында дауыс беру мүмкіндігі бар екендігіне ерекше тоқталып өтті. Облыстық сайлау комиссиясы төрағасының орынбасары Қожамжар Наурызбаев студенттерді дауыс беру күніндегі сайлау учаскелерінің жұмыс барысымен таныстырып, сұрақтарына жауап берді. Жастармен кездесуде аманаттықтар арнайы әзірлеген ақпараттық парақшалар таратып, алдағы сайлауға белсене қатысуға шақырды.
Айта кетейік, 2016 жылғы бүкілхалықтық сайлаудан бері дауыс беруге алғаш қатысатын сайлаушылардың саны 32159 адам, биылғы сайлауға 18-ге толып алғаш қатысатын жас сайлаушылардың саны 9530 адам.
