Алименттен қашқан әке қабірдің ішінен табылды
oldkaz.kyzylorda-news.kz. Астрахан облысының тұрғыны алимент төлемеу үшін қабірге жасырынып қалған, деп хабарлайды Sputniknews.kz.
Ер адамның қарызы 200 мың рубльден асыпты. Ұзақ уақыт алименттен қашқан ер адамға іздеу жарияланған. Сот приставы борышкер әкенің зиратта жұмыс істейтінін анықтап, жұмыс орнына барады.Алыстан сот приставын көрген ер адам ұзақ ойланбай, қазылған қабірге көзін жұмып жата қойған. Бірақ, аты-жөнін атап шақырғаннан кейін, "өмірге қайта оралыпты". Кейін ол өзінің бұл әрекетін түсіндіруге мәжбүр болды.
Ер адамның үстінен "Балаларды немесе еңбекке қабілетсіз ата-ананы асырауға ақша төлемеу" бабы бойынша қылмыстық іс қозғалуы мүмкін.
