Қызылордада үздік жазба авторы анықталды
oldkaz.kyzylorda-news.kz. ҚМДБ-ның Қызылорда облысы бойынша өкілдігінің ұйымдастыруымен «Рамазан менің көзіммен» үздік жазба (пост) байқауының жеңімпазы анықталды.
Рамазан айының құрметіне орай, фейсбук және инстаграм әлеуметтік желісін қолданушылар арасында өткізілген шығармашылық жарысқа 30-дан астам тұрғын қатысты. Сайыстың мақсаты - шығармашылыққа баулу, оразаның берекеті мен пайдасын насихаттау.
ҚМДБ-ның Сыр өңіріндегі өкілі Болатбек Әбуов Қадір түнінде облыстың бас мешіті – «Ақмешіт-Сырдария» орталық мешітіне келген барша жамағаттың алдында өзгеге ой саларлық ғибратты, әсерлі оқиғалары арқылы ерекше жазбасын ұсынған үздік авторлар жүлделі орындармен марапатталды.
Сайыс нәтижесінде І-орынды Шапағат Сердәліқызы иемденді, ІІ-орынды Сағира Уәли, ІІІ-орынды Абай Тағыберген алды.
