30 мамыр: Ел тарихында орын алған оқиғалар
1997 жылы Алматыда Әлібек Дінішев театры ашылды.2003 жылы ҚР Президенті Нұрсұлтан Назарбаев Санкт-Петербург қаласында қазақтың ұлы ақыны Жамбыл Жабаевтың ескерткішін ашты. Бұл ескерткіш - Қазақстан халқының Петербургтің 300 жылдығына жасаған сыйы.
2009 жылы республикада отандық бизнеске көмек ретінде «Қазақстандық қамту» ақпараттық интернет-порталы іске қосылды.
2009 жылы Алматыдағы Республика алаңында қымыздың 6000 жылдық тарихына арналған алғашқы «Қымызмұрындық» фестивалі өтті.
2013 жылы «Қазақ күресін» дамыту қоры «Қазақстан Барысы» атты жаңа сайтты белгіледі.
2014 жылы Елордада Кеңес Одағының Батыры, Халық Қаһарманы, Қазақстан Республикасының бірінші Қорғаныс министрі, Армия генералы Сағадат Нұрмағамбетовке мүсіндік-ескерткіш орнатылды.
