21 мамыр: Атаулы күндер мен оқиғалар
Қазақстанда мәдениет және өнер қызметкерлерінің күніБастапқыда Қазақстанда Мәдениет және өнер қызметкерлерінің күні 1998 жылы бекітіліп, қыркүйектің соңғы жексенбісінде атап өтіліп келді. бірақ 2013 жылы оны 21 мамырға ауыстыру туралы шешім қабылданды. Бұл күн Президент жарлығына сәйкес меркеленеді. Оны Қазақстанның барша өнер, мәдениет қызметкерлері атап өтеді.
1904 жылы Халықаралық футбол федерациясы - ФИФА құрылды. Федерация құру туралы келісімге Франция, Бельгия, Дания, Голландия, Испания, Швеция, Швейцария елдерінің өкілдері қол қойды. 2 күннен кейін ФИФА-ның алғашқы конгресі ашылып, федерацияның президенті болып француздық Робер Герен сайланды.
1940 жылы қазіргі академик Қаныш Сәтпаев атындағы Геологиялық зерттеулер институты құрылды.
1999 жылы қазақ ақыны Мұхтар Шахановқа халықаралық «Руханият» сыйлығы берілді.
2008 жылы Қазақстанда Ұлттық аэроғарыш қауымдастығы құрылды.
2012 жылы Өзбекстанның Науаи облысындағы Нұрата деген жерде ресми түрде Әйтеке би кесенесі ашылды.
