Kyzylorda-News.kz

oldkaz.kyzylorda-news.kz. «Өрлеу» біліктілікті арттыру ұлттық орталығы  АҚ филиалы  Қызылорда облысы бойынша педогогикалық қызметкерлердің біліктілік арттыру институты  мен  көпсалалы «Ұлағат Қызылорда» колледжінің ұйымдастыруымен  Экономика негіздері» пәнінен «Үздік экономист» тақырыбында облыстық олимпиада өтті. Олимпиадаға облыс көлеміндегі 11 колледжден 21 білім алушы қатысты.

Олимпиада тест тапсырмалары және «Экономика негіздері» пәні бойынша сұрақтарға жауап беру, терминдермен жұмыс тапсырламары бойынша өтті.

Қазылар алқасының құрамында «Өрлеу» біліктілікті арттыру ұлттық орталығы  АҚ филиалы  Қызылорда облысы бойынша педогогикалық қызметкерлердің біліктілік арттыру институтының маманы Ұлбала Есмағанбетова, «Болашақ» Университеті «Экономика, қаржы және кәсіпкерлік» кафедрасының меңгерушісі Айман Райымбекова, «Болашақ» жоғары  колледжінің «Экономикалық теория негіздері» пәнінің оқытушысы Айгүл Ермекбаева, Үш тілді оқытатын дарынды балаларға арналған мамандандырылған сыныптары бар «Мұрагер»  мектебінің  директордың тәрбие ісі жөніндегі  орынбасары, «Экономикалық»  пәндер бойынша ғылыми жетекшісі   Нұрлан Таубаевтар болды.

Олимпидаға қатысушы білім алушылар жақсы дайындықпен келгендігі байқалды. Қорыта келе әділ қазылар алқасы  қатысушы білім алушылардың білімін таразылап, өз шешімдерін шығарды.

Нәтижесінде І-орынды  Арал индустриалды-техникалық колледжінің білім алушысы  Рахметулла Қабылов алды. ІІ-орын  Қазалы көлік-техникалық колледжінің білім алушысы Ғазиза Қайрулла мен  «Болашақ» Университеті  колледжінің  білім алушысы Ақсауле Жалғасбекқызына бұйырды. ІІІ-орындарды М.Мәметова  атындағы педогогикалық жоғары колледжінің білім алушысы Айгерим Жамбылова, Көпсалалы «Ұлағат Қызылорда» колледжінің білім алушысы  Жұлдызай Нағиева, С.Ысқақов атындағы Қызылорда құрылыс және бизнес колледжінің білім алушысы Назерке Орынбасар иемденді.

 Барлық қатысушылар «Өрлеу» біліктілікті арттыру ұлттық орталығы  АҚ филиалы  Қызылорда облысы бойынша педогогикалық қызметкерлердің біліктілік арттыру институтының және көпсалалы «Ұлағат Қызылорда» колледжінің  арнайы дипломдарымен және алғыс хаттарымен марапатталды.