Kyzylorda-News.kz

oldkaz.kyzylorda-news.kz. ҚР ІІМ-нің Байқоңыр қаласындағы Өкілдікте 7 мамыр «Отан қорғаушылар» және 9 мамыр «Жеңіс күні» мерекелеріне орай мерекелік кеш өтті.

 

Оған ҚР Президентінің «Байқоңыр кешеніндегі» арнаулы Өкілінің қызметін қамтамасыз ету басқармасы басшысының орынбасары Мырзабек Демесинов, Өкілдіктің басшы құрамы мен жеке құрамы қатысты. Өкілдік бастығының міндетін атқарушы полиция подполковнигі Қасым Абуов қызметкерлерді мерекелерімен құттықтап, лебізін білдірді.

Өз кезегінде М.Демесинов Өкілдіктің барша қызметкерлерін мерекелерімен құттықтап, Алғыс хаттармен марапаттады.

Қазақстан Республикасы ІІМ, Қызылорда ОПД және Өкілдіктің марапаттау бұйрықтары оқылып, біршама қызметкерлер арнаулы атақтармен, ведомстволық медальдарымен және грамоталармен марапатталды.

Мерекелік іс-шара аумақтың белсенді жастары және өнер қырандарының ән-шашу мен  би билеу өнерлерін  тамашалаумен  жалғасын тапты.