Қызылорданың бас сақшысы әлеуметтік желі арқылы халықпен байланыс орнатуда
oldkaz.kyzylorda-news.kz. Қызылорда облыстық Полиция департаментінің бастығы полиция полковнигі Арыстанғани Заппаров әлеуметтік желі арқылы Сыр өңірінің тұрғындарын ашық диалогқа шақырды. Қызылорда облысы Полиция департаментінің жаңадан тағйындалған бастығының жазбасы департаменттің әлеуметтік желілердегі парақшаларында орналастырылған. «Бүгінгі күні қазақстандық полиция жұмысының басты бағыты – ашықтық пен қолжетімділік. Ол үшін қалың бұқара халықпен тығыз бірлікте жұмыс жасау маңызды. Ел сенімін шырақ қылған қоғамдық тәртіп сақшылары, өз міндеттерін сапалы орындауды басты мақсат деп біледі. Халықпен біте қайнасып қызмет ету әрбір маманның беделі мен мерейін өсірері анық» делінген департамент бастығының жазбасында.
Сонымен қатар департамент бастығы әлеуметтік желілердегі парақшалар арқылы барша әлеуметтің, кез-келген тұрғындардың ой-пікірін тыңдап, олардың түйткілді мәселеріне заң шеңберінде бағыт-бағдар беріп, жүйелі де, орнықты көмек көрсетуге дайын екендігін жеткізді.
