Kyzylorda-News.kz

oldkaz.kyzylorda-news.kz. Қызылорда облысында орта және арнаулы орта оқу орындары арасында «Берік отбасы есірткіден алыс!» ұранымен черлидинг спорттық би түрінен сайыс өтті.

Полиция департаменті есірткі қылмысына қарсы іс-қимыл басқармасының бастамасымен ұйымдастырылған сайысқа облыстағы оқу орындарынан 62 команда (532 оқушы, студент) қатысты.

Сайыстың  мақсаты – салауатты өмір салтын қалыптастырып, жастар мен жасөспірімдердің бос уақытын тиімді пайдалануға баулу.

Сайыста биде берілген идеялар, ерекше қимылдар, музыкалық сүйемелдеу, әртістік қабілет, барлық қатысушылардың сырт келбеті, элементтерді синхронды түрде жасауы секілді талаптар бойынша бағаланды.

Нәтижесінде Шиелі ауданы №48 орта мектебі бірінші орынды еншілесе, екінші орынды Жаңақорған ауданының №52 орта мектебі және үшінші орынды Арал ауданы №83 орта мектебі иеленді.

Сайыс нәтижелері бойынша 18 командаға бағалы сыйлықтар берілсе, 22 командаға департамент бастығының алғыс хатымен марапатталды.