Қорқыт ата атындағы ҚМУ студенттері үздіктер қатарында
oldkaz.kyzylorda-news.kz. Қорқыт Ата атындағы Қызылорда мемлекеттік университетінің студенттері «ТМД үздік студенті – 2019» төсбелгісімен марапатталды.«Бөбек» жалпы ұлттық қозғалысының ұйымдастыруымен өткен "ТМД үздік студенті – 2019" байқауында 700-ден астам өтінім қабылданып, 70 студент үздік атанды. Олардың қатарында Қорқыт ата атындағы Қызылорда мемлекеттік университетінің студенттері: Ақерке Серәлі, Нұрила Өмірзақ, Айым Төлеген, Төлеген Піржан, Айдана Рахметоллаева, Асқар Жылқаевтар бар.
Оқу барысында білім, ғылым, өнер, спорт саласына қосқан айрықша еңбектері үшін осында құрмет пен қошеметке бөленген белсенді жастардың жетістіктері арнайы кітап жинағына енгізілді. Марапаттау рәсімі "Нұр Әлем" ЭКСПО ғимаратында өтті.
