Қазалы ауданында «Kitap fest - 2019» кітап фестивалі ұйымдастырылды
oldkaz.kyzylorda-news.kz. Бүгін аудандық орталық кітапханада 23 сәуір - Дүниежүзілік кітап және авторлық құқықты қорғау күніне орай «Kitap Fest – 2019» кітап фестивалі өтті.Фестиваль барысында түрлі танымдық шаралар ұйымдастырылып, №1 Қазалы қалалық кітапханасының Алтын қоры таныстырылды. Сонымен қатар, кітап қорынан жасалған кітап инсталляциясы, «Ғаламтор және кітап-ғұмыр» атты қойылымы, «Даналық ағашы» сұрақ-жауап танымдық ойыны, «Кітаптан берілген шабыт» атты 6-9 сынып оқушылары арасында арнайы тақтада сурет салу байқауы сынды оқырманға қызықты шаралар ұсынылды.
Кітап фестиваліне зиялы қауым өкілдері, жастар, кітапхана оқырмандары, мектеп оқушылары, аудан тұрғындары қатысты.
