Kyzylorda-News.kz

Бұл туралы бүгін Өңірлік коммуникациялар қызметінде өткен баспасөз конференциясында «Тұрғын үй құрылыс жинақ банкі» АҚ төрағасының орынбасары Нұрлан Ақшанов мәлімдеді.

Сонымен қатар, «Бақытты отбасы» бағдарламасына қатысушылар тұрғын үйді сатып алу үшін алдын-ала және аралық заем түрлерін жылдық мөлшері 2 пайызбен алу мүмкіндігіне иеленеді. Жеңілдетілген несиені алу үшін қажетті алғашқы жарнаның мөлшері заем сомасының 10 пайызын құрайды. Ал, ағашқы жарнаны төлеуге шамасы келмеген отбасыларға жергілікті әкімдік көмек ретінде тұрғын үй сертификаттарын беретін болады.

Жаңа бағдарлама бойынша заемның максималды сомасы 15 млн. теңгені құрайды. Несие 19 жылға беріледі.

«Бақытты отбасы» бағдарламасының көмегімен жергілікті әкімдіктер тарапынан салынған пәтерлерді, екінші нарықтағы тұрғын үйлерді немесе жеке үйлерді сатып алуға болады.

Мәселен, бағасы 8 млн. теңгелік тұрғын үй бойынша, тұрғын үй құрылыс жинақ жүйесі аясында алғашқы 8 жыл ішіндегі алдын ала заем бойынша төлем мөлшері 42 мың теңгені құрайды, ал қалған 11 жыл ішінде тұрғын үй заемы бойынша 27400 теңгеден төлеп тұру қажет. Бағасы 10 млн.теңгені құрайтын пәтер бойынша, тұрғын үй құрылыс жинақ жүйесі аясында алғашқы 8 жыл ішіндегі алдын ала заем бойынша төлем мөлшері 52600 теңгені құрайды, ал қалған 11 жыл ішінде тұрғын үй заемы бойынша 36 мың теңгеден төлеп тұру қажет.

«Бақытты отбасы» бағдарламасына қатысу үшін отбасы мүшелерінің адам басына шаққандағы ең төменгі жалақы мөлшері айына 42500 теңгеден аспауы тиіс. Мәселен, егер отбасы 5 адамнан тұрса, онда олардың жалпы табысы 212500 теңгеден артық болмауы керек.