Қармақшыда кең көлемде сенбілік өтті
Қармақшы ауданында кең көлемде сенбілік өтті, деп хабарлайды oldkaz.kyzylorda-news.kz ақпараттық агенттігі.
Аудан тұрғындары өз көшелерін тазартса, кәсіпорын ұжымдары кент әкімшілігі қызметкерлері «Этно саябақ», «Ардагерлер аллеясы» мен «Жастар саябағын» тазартып, ретке келтірді.
Ауданда санитарлық тазалау және көркейту-көгалдандыру мақсатында өткізілген сенбілікке 10507 адам қатысты. Сонымен қатар 8,5 шақырым жол жиектері, 10,3 шақырым арық жүйелері тазаланып, 1050,3 текше метр күл-қоқыс шығарылды. Сондай-ақ 5143 ағаш әктеліп, 30-ға жуық техника жұмылдырылды.
Аудандағы сенбілік жұмысына мемқызметкерлер, ауыл тұрғындары жұмыла жұмыс жасап, туған жерге деген сүйіспеншілікпен қызу түрде жұмыс атқарды. Қай кезде де болмасын ең бірінші өз ортаңа тазалықпен қарау адамдықтың басты қасиеті екендігі белгілі.
Сенбілікке қатысушылар бұл шара алдағы уақытта да жалғасын табатындығын айтты.
