Қызылордалық оқушылар Дубайдан бас жүлдемен оралды
11-14 наурыз аралығында Біріккен Араб Әмірлігінің Дубай қаласында өткен Халықаралық ғылыми-тәжірибелік конференцияда сырбойылық оқушылар бас жүлдені иеленді, деп хабарлайды Kyzylorda-news.kz.
Конференцияда биология бағыты бойынша Дана Айдарбек, Аймерей Байғабылова, Афрасняб Кобдиков және Шахризада Ақмұрат өз жобаларын таныстырды. Нәтижесінде Дана Айдарбек пен Аймерей Байғабылова бас жүлде бұйырды.
Айта кетейік, бұған дейін олар «Бейбітшілік әлемі» Халықаралық Қазақ Творчестволық Бірлестігінің ұйымдастырымен өткен конференцияның республикалық кезеңіне қатысып, халықаралық конференцияға жолдама алған болатын. Міне, оқушылар мен ұстаздардың ізденістері өз жемісін берді.
