Қызылорда қалалық білім бөлімінің басшысы тағайындалды
Қызылорда қаласы білім бөлімінің басшысы тағайындалды, деп хабарлайды oldkaz.kyzylorda-news.kz.
2019 жылғы 15 наурыздағы №80 өкіммен қалалық білім бөлімінің басшысы лауазымына Қасымова Ақзира Бақтыбайқызы тағайындалды.
Ақзира Бақтыбайқызы, 1979 жылы 2 ақпанда Қызылорда облысы, Қармақшы ауданында дүниеге келген. Жоғары білімді.
2019 жылғы 15 наурыздағы №80 өкіммен қалалық білім бөлімінің басшысы лауазымына Қасымова Ақзира Бақтыбайқызы тағайындалды.Ақзира Бақтыбайқызы, 1979 жылы 2 ақпанда Қызылорда облысы, Қармақшы ауданында дүниеге келген. Жоғары білімді.
2000 жылы Қорқыт ата атындағы Қызылорда мемлекеттік университетін "Физика, қосымша математика пәндерінің мұғалімі", 2018 жылы Қаржы академиясын "Экономика және бизнес магистрі" мамандықтары бойынша бітірген.
Еңбек жолын 2000 жылы №15 мектеп - гимназиясының мұғалімі ретінде бастаған.
2008-2012 жылдары Қармақшы ауданындағы №185 орта мектептің директоры;
2012-2015 жылдары Қармақшы ауданы, Жосалы кентіндегі №250 мектеп-лицейінің директоры;
2015-2017 жылдары Қазалы аудандық білім бөлімінің басшысы;
2017 жылдан осы кезге дейін облыстық білім басқармасы басшысының орынбасары қызметін атқарып келді.
