Қызылорда қалалық кәсіпкерлік, өнеркәсіп және туризм бөлімінің басшысы ауысты
Қызылорда қалалық кәсіпкерлік, өнеркәсіп және туризм бөлімінің басшысы болып Есмаханов Алмасбек Әбілқасымұлы тағайындалды, деп хабарлайды oldkaz.kyzylorda-news.kz қала әкімдігіне сілтеме жасап.
Алмасбек Әбілқасымұлы, 1982 жылдың 8 қаңтарында Қызылорда қаласында дүниеге келген.
Жоғары білімді.
2005 жылы Қызылорда гуманитарлық университетінде «Қаржы және несие»; 2009 жылы Қазтұтыну одағының Қарағанды экономикалық университетінде «Экономика саласында құқықтық реттеу» мамандықтары бойынша білім алған;
2013 жылы Президент жанындағы мемлекеттік басқару академиясында Мемлекеттік саясаттың ұлттық мектебі және АҚШ-тың Каролина штатының ДЮК университетінде «Саясаттану» мамандықтары бойынша білім алған.
Еңбек жолын 2006 - 2007 жылдары қалалық экономика және бюджеттік жоспарлау бөлімінің маманы, жетекші маманы;
2007 – 2008 жылдары облыстық жұмыспен қамту және әлеуметтік бағдарламалар департаментінің жетекші, бас маманы;
2008 – 2012 жылдары қала әкімі аппаратының ұйымдастыру – инспекторлық бөлімінің бас маманы, бас инспекторы, Тасбөгет кенті әкімінің орынбасары, бөлім басшысы;
2012 – 2014 жылдары Қарауылтөбе ауылдық округінің әкімі;
2014 – 2015 жылдары Облыс әкімі аппаратының ұйымдастыру-инспекторлық жұмыс және аймақтық даму бөлімінің бас инспекторы, бөлім басшысы;
2015 – 2018 жылдары Шиелі ауданы әкімінің орынбасары;
2018 – 2019 жылдары қала әкімі аппаратының басшысы;
2019 жылдың ақпан айынан бастап осы кезге дейін қалалық мәдениет және тілдерді дамыту бөлімінің басшысы қызметін атқарған.
