"Қызылорда су жүйесінің" директоры тағайындалды
2019 жылдың 5 наурызынан бастап "Қызылорда су жүйесі" мемлекеттік коммуналдық қазыналық кәсіпорнының директоры болып, Марат Шахматұлы Жәмиев тағайындалды, деп хабарлайды oldkaz.kyzylorda-news.kz қалалық әкімдікке сілтеме жасап.
Марат Шахматұлы 1968 жылы 29 тамызда дүниеге келген. Жоғары білімді, су шаруашылығының және сумен қамтамасыз ету, су ресурстарын қорғау инженері.Еңбек жолын 1991 жылы "Водоканал" басқармасының цех басшысы ретінде бастаған.
2004-2009 жылдары "Қызылорда су жүйесі" МКҚК бас инженері, директоры;
2009-2012 жылдары "Таза су құрылыс" ЖШС бөлім басшысы, "Арда - Құрылыс" ЖШС директоры;
2012 жылдан осы кезге дейін Су ресурстарын пайдалануды реттеу және қорғау жөніндегі Арал-Сырдария бассейіндік инспекциясында бөлім басшысы, филиал директорының орынбасары қызметін атқарып келді.
