Пирамидалардың құпиясы көп
Әлемдегі ең көне құрылыстардың бірі – пирамидаларды алайық. Тарихи деректерге қарағанда, олар біздің дәуірімізге дейін шамамен 2600 жыл бұрын, Ніл бойында мемлекет пайда болған кезде салынған.
![](https://oldkaz.kyzylorda-news.kz/uploads/posts/2019-03/1551954413_piramidalardy-piyasy-kp.jpg)
Атлантиданың бар екені туралы мәселеге қарағанда пирамидалар туралы мыңдаған, мүмкін одан да көп томдар жазылған шығар. Және соған қарамастан Атлантида жағдайы сияқты пирамидалар құрылысының техникасы мен тәсілдеріне байланысты көптеген жұмбақтар күні бүгінге дейін ашылған жоқ. Міне, осы жағдай жайлы американдық Эрик Норман 1970 жылы АҚШ-та басылып шыққан «Құдайлар, перілер және астронавтар» деген кітабында былай деп жазылады: «Пирамидалардың құрылыс тәсілдері туралы айтқанда (бұл жерде әңгіме Гизодағы Хеопстің Ұлы Пирамидасы жайлы сөз болып отыр) логикаға сүйенсек оның құпияға толы екенін көз жеткіздім» депті.