Сыр өңірінің тәртіп сақшылары журналистер қауымын 8 Наурыз мерекесімен құттықтады
Халықаралық әйелдер күні мерекесі қарсаңында Қызылорда облысы Полиция департаментінің бастығы нәзікжанды журналистер қауымын құттықтады, деп хабарлайды oldkaz.kyzylorda-news.kz ақпараттық агенттігі.
Мерекеге орай өткен салтанатты жиында департамент бастығы полиция полковнигі Қайрат Мұхитов журналистер қауымын көктем мерекесімен құттықтады.«Мереке қарсаңында полиция қызметкерлерінің қоғамдағы оң имиджін қалыптастыруда белсенді атсалысып жүрген журналистер қауымын құттықтай отырып, жаңалықтарыңыз жағымды, қаламдарыңыз қарымды болсын», - деді Қайрат Мұхитов.
Мерекелік жылы лебізін білдірген департамент басшысы одан әрі журналистерге «Алғыс хат» табыстап, сый-сияпат жасады. Өз кезегінде журналистер қауымы да алғыстарын білдірді.
