Қызылордалық әйел полиция қызметкерлерінен қысым көргенін жоққа шығарды
Қызылорда облысы Полиция департаментімен әкімдікте өткен азаматтарды қабылдау барысында полиция қызметкері тарапынан қысым көрсетілді деп мәлімдеген Қызылорда қаласының тұрғыны анықталды, деп хабарлайды oldkaz.kyzylorda-news.kz полиция департаментінің баспасөз қызметіне сілтеме жасап.
Азаматшаның дәлелдері тексеріліп, нәтижесінде ол Қызылорда қаласының Полиция басқармасына заңсыз апару және полиция қызметкерлері тарапынан қандай да бір қорқыту фактісін жоққа шығарып отыр.
Полиция департаменті баспасөз қызметінің дерегінше, азаматшаның шағымы бойынша ҚР ҚК-нің 126 бабына сәйкес (бас бостандығынан заңсыз айыру) сотқа дейінгі тергеп-тексеру амалдары жүргізілуде. Тиісті сараптамалар тағайындалып, оқиғаның мән-жайлары анықталуда. Сотқа дейінгі тергеп-тексеру амалдары қылмыстық-процессуалдық заңнамасына сәйкес жүргізілуде. Тергеу барысы Полиция департаменті бастығының және облыс прокурорының қатаң бақылауында.
Сурет ашық дерек көздерінен.
