ҚЫЗЫЛОРДА ОБЛЫСТЫҚ СОТЫ ӨТКЕН ЖЫЛДЫ ҚОРЫТЫНДЫЛАДЫ
Қызылорда облыстық сотында 2014 жылдың 12 айында облыс соттарының сот төрелігін жүзеге асыру қорытындыларына арналған баспасөз конференциясы өтті. Іс шараға облыстық соттың азаматтық және әкімшілік істер жөніндегі, қылмыстық істер жөніндегі апелляциялық сот алқаларының төрағалары, облыстық сот судьялары мен облыстық сот кеңсесінің қызметкерлері қатысты.
Жиында азаматтық және әкімшілік істер жөніндегі апелляциялық сот алқасының төрағасы А.Адранов ағымдағы жылдың 12 айының статистикалық деректеріне тоқталып, соттарға түсетін талап арыздардың азаматтық істер бойынша ұлғайғанын тілге тиек етті. 2014 жылдың 12 айында аудандық және оған теңестірілген соттарының өндірісіне 23 366 талап арыз, шағым түскен.
Қылмыстық істер жөніндегі апелляциялық сот алқасының төрағасы Е.Қарабаев өз сөзінде қылмыстық істер санының азайғанын айтып өтті. 2014 жылдың 12 айында жергілікті соттардың өндірісіне 1742 қылмыстық іс түсіп, 1703 қылмыстық іс 1903 адам бойынша аяқталған, ал 2013 ж. 12 айында 1936 қылмыстық іс 2137 адамға қатысты қаралған, яғни 2013 жылдың 12 айымен салыстырғанда қаралған істердің саны 233 іске азайған.
Сот істерін жүргізуде ақпараттық технологияларды қолдану мен енгізу жұмыстары жалғасуда. Кеңсе басшысының орынбасары Е.Боранбаев «Сот құжаттарымен танысу», «Сот кабинеті» сияқты жаңа ақпараттық сервистердің облыс соттарында кеңінен енгізіліп жатқанын мәлімдеді. Айта кетерлігі, «Сот кабинеті» сервисі енгізілген сәттен бастап сотқа 1130 электронды құжат қабылданды.
Баспасөз-мәслихаты барысында БАҚ өкілдері тарапына қойылған сұрақтарға жауаптар алынып, қоғамдық пікір тудырған кейбір істер бойынша толығырақ ақпарат берілді.
Қызылорда облыстық сотының баспасөз қызметі
Жиында азаматтық және әкімшілік істер жөніндегі апелляциялық сот алқасының төрағасы А.Адранов ағымдағы жылдың 12 айының статистикалық деректеріне тоқталып, соттарға түсетін талап арыздардың азаматтық істер бойынша ұлғайғанын тілге тиек етті. 2014 жылдың 12 айында аудандық және оған теңестірілген соттарының өндірісіне 23 366 талап арыз, шағым түскен.
Қылмыстық істер жөніндегі апелляциялық сот алқасының төрағасы Е.Қарабаев өз сөзінде қылмыстық істер санының азайғанын айтып өтті. 2014 жылдың 12 айында жергілікті соттардың өндірісіне 1742 қылмыстық іс түсіп, 1703 қылмыстық іс 1903 адам бойынша аяқталған, ал 2013 ж. 12 айында 1936 қылмыстық іс 2137 адамға қатысты қаралған, яғни 2013 жылдың 12 айымен салыстырғанда қаралған істердің саны 233 іске азайған.
Сот істерін жүргізуде ақпараттық технологияларды қолдану мен енгізу жұмыстары жалғасуда. Кеңсе басшысының орынбасары Е.Боранбаев «Сот құжаттарымен танысу», «Сот кабинеті» сияқты жаңа ақпараттық сервистердің облыс соттарында кеңінен енгізіліп жатқанын мәлімдеді. Айта кетерлігі, «Сот кабинеті» сервисі енгізілген сәттен бастап сотқа 1130 электронды құжат қабылданды.
Баспасөз-мәслихаты барысында БАҚ өкілдері тарапына қойылған сұрақтарға жауаптар алынып, қоғамдық пікір тудырған кейбір істер бойынша толығырақ ақпарат берілді.
Қызылорда облыстық сотының баспасөз қызметі
