Синоптиктердің сәрсенбі күнгі ауа райы болжамы
20 ақпан күні Қазақстан аумағымен фронталды бөліктердің өтуіне байланысты күн райы құбылмалы болып, жауын-шашын күтіледі. Оңтүстік өңірлерде жауын-шашын қатты жауатыны болжанады. Республиканың кей жерлерінде тұман, көктайғақ, бұрқасын, екпінді жел болады, деп хабарлайды ҚазАқпарат.
Атап айтқанда, Түркістан, Жамбыл облыстарының кей жерлерінде тұман, көктайғақ, бұрқасын, 25 м/с жылдамдыққа дейінгі жел күтіледі. Қызылорда облысының кей жерлерінде тұман, көктайғақ болады, таңертең және күндіз желдің күші 15-20 м/с дейін күшейеді.
Маңғыстау облысының кей жерлерінде тұман, 15-20 м/с екпіндегі жел, түнде кей жерлерде бұрқасын, көктайғақ күтіледі.
Қостанай, Қарағанды облыстарының кей жерлерінде жаяу бұрқасын, тұман, 15-20 м/с жылдамдықта жел болады.
Павлодар, Шығыс Қазақстан облыстарының кей жерлерінде бұрқасын, көктайғақ, 15-20 м/с күшпен жел соғады.
Түнде Атырау, Батыс Қазақстан облыстарының кей жерлерінде жел 15-20 м/с дейін күшейеді.
Солтүстік Қазақстан облысының кей жерлерінде жаяу бұрқасын, күндіз жел 15-20 м/с бақыланады.
Ақтөбе облысының кей жерлерінде жаяу бұрқасын, жел 18 м/с күтіледі.
Алматы облысының Жалаңашкөл аумағында жел 18-23 м/с дейін күшейеді.
