ҚАЖ департаментінде жедел кеңес өтті
ҚАЖ департаментінде сыбайлас жемқорлық құқық бұзушылықтарға жол бермеу мақсатында жедел кеңес өтті, деп хабарлайды oldkaz.kyzylorda-news.kz департаменттің баспасөз қызметіне сілтеме жасап.
Оған Қызылорда облысы полиция департаментінің өзіндік қауіпсіздік басқармасының қызметкері, Қызылорда облысы бойынша ҚАЖ департаментінің өзіндік қауіпсіздік және сотталғандардың еңбегін ұйымдастыру топтарының қызметкерлері, РМК «Еңбек-Қызылорда» филиалының директоры, ЗК-169/4, 5 мекемелерінің бастықтары, осы мекемелердің мекеме бастықтарының жалпы сұрақтары жөніндегі орынбасарлары, ЗК-169/4,5 мекемелерінің сотталғандардың еңбегін ұйымдастыру бөлімше (топ) қызметкерлері, ЗК-169/4,5 мекемелерінің сотталғандарын жұмыспен қамтамасыз етіп отырған ЖК, ЖШС кәсіпорындарының басшылары қатысты. Жедел кеңес отырысын ҚАЖ департаменті бастығының орынбасары әділет подполковнигі Ж.Әбдіқайыров ашып, күн тәртібімен таныстырып өтті.
Өңіріміздегі кәсіпкерлік субъектілермен ЗК-169/4 мекемесінде жазасын өтейтін сотталғандарды жұмысқа орналастыру бағытында жұмыстар жүргізілуде. Атап айтқанда, ЗК-169/4 мекемесінің 50 сотталғаны ЖШС «Алтайтрансойл», ЖШС «Интергосстрой», ЖШС «Полимерпродукт», ЖШС «ПСК-Саулет» жұмысқа орналастырылған.
ЗК-169/5 мекемесінің сотталғандардың еңбегін ұйымдастыру бөлімшесінің бастығы әділет майоры Е.Сон өз баяндамасында мекеме аумағында кәсіпкерлікті ашып жүргізу жұмыстарына тоқталып кетті.
Кеңеске қатысушылар, ЗК-169/4,5 мекемелерінің сотталғандарын жұмысқа орналастырып отырған ЖК, ЖШС кәсіпкерліктер басшылары өндірістік қызметті жүзеге асыру кезінде туындайтын проблемалық мәселелерді талқылады.
