Қызылордада 31 нысан терроризм қаупінен қорғалмаған
Қызылордалық полицейлер террористік тұрғыдан осал объектілерді тексеруде, деп хабарлайды oldkaz.kyzylorda-news.kz Полиция департаментінің баспасөз қызметіне сілтеме жасап.
«Терроризмге қарсы іс-қимыл туралы» және «Құқық қорғау қызметі туралы» Қазақстан Республикасы Заңдарына сәйкес, Қызылорда облысының Полиция департаменті облыс көлемінде орналасқан террористік тұрғыдан осал объектілердің терроризмге қарсы қорғалуына жыл сайын тексеру жұмыстарын жүргізеді.2018 жылы жүргізілген тексеру жұмыстары нәтижесінде Заң талаптарына сәйкес келмейтін нысандар анықталды.
Осыған орай, терроризмге қарсы қауіпсіздікті сақтамаған 31 объектінің басшысы жауапкершілікке тартылып, оларға 27 миллион теңгеге жуық айыппұл салынды.
