Өткен жылы Аралда жаңа аурухана пайдалануға берілді
Өткен жылы Арал ауданында заманауи медициналық аппараттармен, медициналық және кеңселік жиһаздармен жабдықталған жаңа аудандық орталық аурухана пайдалануға берілді, деп хабарлайды oldkaz.kyzylorda-news.kz ақпараттық агенттігі.
Бұл туралы бүгін Өңірлік коммуникациялар қызметінің ақпараттық алаңында өткен баспасөз конференциясында Арал ауданының әкімі Мұхтар Оразбаев мәлім етті.«Жаңа аурухана Жапония, АҚШ, Германия, Ресей, Ұлыбритания елдерінің емдеу-диагностикалық құрал-жабдықтарымен жабдықталған. Сондай-ақ, Қамыстыбас, Қарақұм, Аманөткел дәрігерлік амбулаторияларына да жаңа медициналық жедел-жәрдем автокөліктері берілді», - деді Мұхтар Оразбаев.
Сонымен қатар, аудандық ауруханаға жағдайы ауыр науқастарды облыс орталығына жеткізу үшін арнайы медициналық жабдықтармен жабдықталған реанимобильді автокөлік сатып алынған.
