Дүйсенбіге арналған ауа райы болжамы
«Қазгидромет» РМК 4 ақпанға арналған ауа райы болжамын ұсынады, деп хабарлайды ҚазАқпарат.
Қазақстанның басым облыстарында ауа ағындарының өтуіне байланысты құбылмалы ауа райы сақталады. Тек республикамыздың оңтүстігі мен оңтүстік-шығысында жауын-шашынсыз ауа райы күтіледі.Қазақстанның кей жерлерінде тұман, көктайғақ, бұрқасын, желдің күшейюі күтіледі.
Солтүстік Қазақстан, Павлодар, Шығыс Қазақстан, Ақмола, Қостанай, күндіз Қарағанды облыстарында кей жерлерде бұрқасын, жел 15-20 м/с жылдамдықпен соғады. Қостанай, Солтүстік Қазақстан облыстарының кей жерлерінде тұман күтіледі.
Қызылорда, Батыс Қазақстан, Маңғыстау, Жамбыл, Түркістан облыстарының кей жерлерінде тұман, Маңғыстау облысының кей жерлерінде - көктайғақ, Жамбыл, күндіз Түркістан облыстарының кей жерлерінде жел 15-20 м/с жетеді.
