Қазалыда жаңа медициналық аппарат іске қосылады
Қазалы аудандық ауруханасында «Ангиограф» медициналық аппараты наурыз айында нақты іске қосылады. Қазір арнайы бір бөлме дайындалып, аппаратты бейімдеу жұмыстары жүргізілуде. Бұл туралы аудан әкімі Мұрат Ергешбаев мәлімдеді.
Оның айтуынша тиісті мамандар оқытылып, облыстық медицина орталығында толық тәжірибеден өткізілген. Көп ұзамай ел-халық медициналық аппараттың игілігін көретін болады.
«Қазалы ауданындағы жаңа ауруханаға орнатылып жатқан бұл қондырғы жедел және сапалы ота жасауға септігін тигізбек. Нәтижесінде Қазалыдан бөлек, көршілес Қармақшы, Арал аудандары мен Байқоңыр қаласы тұрғындарына қызмет көрсететін болады. Қазір ауданаралық аурухана мәртебесі беріліп отыр», - деді аудан басшысы.
