Білім саласын цифрландыру қарқынды түрде жүргізілуде
Облыста 293 мектеп кең жолақты интернетке 100% қосылып, WI-FI–мен қамтамасыз етілген. Барлық мектептер «Күнделік» электронды жүйесінде жұмыс жасайды. Бұл туралы бүгін Өңірлік коммуникациялар қызметінде өткен баспасөз конференциясында облыстық білім басқармасының басшысы Майра Мелдебекова мәлімдеді.
Мемлекеттік жекеменшік әріптестік негізінде 8096 дана компьютерлер жаңартылған. Сонымен қатар мектептер 156 жаңа модификациялық физика, химия, биология пәндік кабинеттерімен, 92 робототехника кабинеттері алынды.«Облыстағы 9 Оқушылар үйі «3D-модельдеу» және «Цифрлық білім беру лабораториясы» кабинеттерімен жарақтандырылды. Қызылорда қаласындағы Оқушылар үйі–«IT-iMAQORDA» ресурстық орталығы ретінде ашылды. 23 шағын жинақталған мектептер BilimBook кешенімен қамтамасыз етілді»,- деді Майра Мелдебекова.
Осы аталған білім саласын цифрландыру шараларына 2018 жылы 1,5 млрд теңге облыстық бюджеттен бөлінді.
