Қармақшылық оқушылар аудан әкімінің шыршасына қатысты
Қармақшыда "Жарқыра, Қазақстан! Жарқыра, туған жер!" атты аудан әкімінің мерекелік шыршасы өтті, деп хабарлайды oldkaz.kyzylorda-news.kz аудан әкімдігінің баспасөз қызметіне сілтеме жасап.
Шыршаға мемлекет тарапынан әлеуметтік қорғалған, оқу үздіктері, түрлі халықаралық, республикалық, облыстық конкурстар мен байқауларда, олимпиадаларда және спорттық сайыстарда ауданымыздың абыройын асқақтатып жүрген оқушылар қатысты.Шарада аудан əкімі Сұлтан Мақашов бүлдіршіндер мен ата-аналарды жаңа жылымен құттықтықтап, жылы лебізін білдірді.
Балалар Ақшақар мен Аяз ата сынды кейіпкерлермен бірге көңілді ән шырқап, би биледі. Көңілді кеш барысында ертегі әлемінің кейіпкерлері бүлдіршіндерге керемет көңіл-күй сыйлады. Балалар сыйлықтар үшін алғыстарын айтып, түрлі ойындарға қызыға қатысты.
