Тереңөзекте газдандыру жұмыстары қарқын алды
Сырдария ауданы Тереңөзек кентінде құны 3,1 млрд.теңгені құрайтын автоматты газ тарату станциясын орнатумен қоса, «Бейнеу-Бозой-Шымкент» магистралды газ құбырынан бұрма газ құбырының құрылысы жобасы іске асырылуда, деп хабарлайды oldkaz.kyzylorda-news.kz аудан әкімдігінің баспасөз қызметіне сілтеме жасап.
Биыл бұл жобаны іске асыруға республикалық бюджеттен 1,7 млрд. теңге және облыстық бюджеттен 120 млн. теңге қаржы бөлініп, тиісті жұмыстар жүргізілуде. Ал 2019 жылға республикалық бюджеттен 1,1 млрд.теңге, облыстық бюджеттен 197 млн.теңге қаржы бөлініп, осы жұмыстар мамыр айында аяқталатын болады.Сондай-ақ, жалпы құны 2,4 млрд.теңгені құрайтын Тереңөзек кентінің квартілішілік газ құбырлары желісінің құрылысы 2019-2020 жылдары іске асыру жоспарлануда. Бұл жобаны іске асыру үшін келер жылға республикалық бюджеттен 525 млн.теңге және облыстық бюджеттен 52 млн.теңге қаржы бөлінуде. 2020 жылға 1 млрд. 679 млн.теңгені республикалық және 188 млн.теңгені облыстық бюджеттерден бөлу жоспарлануда.
