Қызылордада жаңа жылдық безендіруге 4,6 млн. теңге жұмсалды
Бүгін Қызылорда қаласының Жаңа жылдық бас шыршасын жағу салтанаты өтеді, деп хабарлайды oldkaz.kyzylorda-news.kz қала әкімінің баспасөз қызметіне сілтеме жасап.
Сыр өңірінің жаңа жылдық шыршасының биіктігі 23 метр, ені 10 метрді құрайды.Мұнан бөлек, қала аумағында 5 жерге биіктігі 10 метрді құрайтын әсем шыршалар орналастырылатын болады.
Сонымен қатар, қаламыздың орталық Жібек жолы даңғылы, Желтоқсан секілді басқа да көшелердің бойы, аллеялар және орталық алаң секілді көпшілік орындарда жаңа жылдық ою-өрнектер мен ертегі кейіпкерлері бейнесінде светодиотты безендірулер, тақырыптық үгіт-насихат құралдары (билборд) орналастырылады.
Жалпы бұл жұмыстардың барлығына қалалық бюджеттен 4,6 млн. теңге қаржы қарастырылған. Әдеттегідей, қала бойынша Жаңа жыл мерекесі қарсаңында түрлі шаралар ұйымдастыру жоспарланса, жылдағы дәстүрге сай 31 желтоқсан күні орталық алаңда мерекелік концерт және отшашулар ұйымдастырылады.
