Жаңақорғандық тұрғын заңсыз ойын бизнесін ұйымдастырған
Жаңақорған ауданында заңсыз ойын бизнесін ұйымдастырған тұрғын айыппұл төлейді, деп хабарлайды oldkaz.kyzylorda-news.kz.
Сотталушы аудан орталығындағы Абдолла-Алтый Сүлеймен көшесі мен Сағырбаев көшелері қиылысында орналасқан бір бөлмелі кеңседен ойын мекемесін заңсыз ашқан. Бұл жерге оған қажетті техникаларды жабдықтаған.Жаңақорған аудандық сотының хабарлауынша, ол ғаламтор арқылы ұтыс тіктіріп, ойындар ойнатқан.
Сот барысында сотталушы өзінің кінәсін толық мойындап, әрекетіне өкінетінін көрсетті.
Қазақстан Республикасы Қылмыстық Кодексінің 307-бабының 1-бөлігі бойынша қозғалған қылмысы дәлелденіп, сот үкімімен ол кінәлі деп танылды. Оған 250 АЕК мөлшерінде 601250 теңге айыппұл салынды.
