Сыр өңірінде балаларға арналған археологиялық лагерь ашылады
Сыр өңірінде балаларға арналған археологиялық лагерь ашылады, деп хабарлайды oldkaz.kyzylorda-news.kz «Хабар 24» арнасына сілтеме жасап.
Бұл жоба Елбасының «Ұлы даланың жеті қыры» мақаласына орай қолға алынған. Оқушылардан құралған топ 20 күн ішінде көне Сығанақ пен Жанкент қалаларының қазба жұмыстарына қатысады. Сондай-ақ лагерьде ғалымдармен кездесу өтіп, қасиетті нысандарға экскурсиялар ұйымдастырылады. Түркі халықтарының дамуында Сыр өңірінің маңызы айрықша. Дария бойында түркі және қазақ ұғымында өз орны бар Қорқыт ата кешені, Жанкент, Шірік Рабат секілді көне қалалар орналасқан.«Қаламыздағы, облысымыздағы әртүрлі тарихи үйірмелердегі осы біздің тарихымызға қызығатын оқушылар қазба жұмыстарына қатысып қана қоймай, кешегі «Қазақстанның киелі жерлері» географиялық жобасы бойынша қасиетті нысандар тізіміне енген біздің облысымыздағы тарихи-мәдени ескерткіштерді аралайды, үлкен экскурсиялар жасалады», дейді облыстық тарихи-өлкетану музейінің ғылыми хатшысы Асхат Сайлау.
