Қызылордалық полицейлер жол апатынан зардап шеккендер үшін қан тапсырды
«Жол жүрісі қауіпсіздігі апталығы» кең ауқымды акция аясында Қызылорда облысы Полиция департаментінің Жергілікті полиция басқармасы қызметкерлері жол апатынан зардап шеккен азаматтарға көмек көрсету мақсатында қан тапсыру шарасын ұйымдастырды.
Жылдағы үрдіске айналған бұл іс-шараға қан орталығының қызметкерлері арнайы жабдықталған құралдарымен Жергілікті полиция қызметі басқармасының ғимаратына келді. Қамқорлық акциясына барлығы 70-ке жуық қызметкер ат салысып, құқық қорғау органдары қызметкерлерінің «қиналғанға қол ұшын бер» принципін басшылыққа алатындарын дәлелдеді. Қызылорда облысы Полиция департаментінің Баспасөз қызметі
