Kyzylorda-News.kz

 

    ҚР ІІМ Төтенше жағдайлар комитетінің «Оңтүстік өңірлік аэромобильді жедел құтқару жасағы» мемлекеттік мекемесі мен Қызылорда қаласының «Абылай хан», және «Жас өркен» колледждерінің арасындағы жасалған меморандумы негізінде «Төтенше жағдайлардағы құтқару» мамандығы бойынша оқытылатын студенттердің жыл сайын жасақ базасында оқу тәжірибесінен өтуі дәстүрге айналды.
    Өндірістік тәжірибенің негізгі міндеті алған білімдерін тәжірибеде бекіту және жетілдіру, шынайы жағдайларда өмірге қауіп төндіретін табиғи сипаттағы төтенше жағдайларда қалған адамдарды құтқару кезінде автоматизмге (автоматтық деңгейге) жету болып табылады. Тәжірибеден өтушілермен сабақ өткізуге барынша тәжірибелі жасақ құтқарушылар тартылады. Тәжірибеден өтушілерге «Төтенше жағдайлардағы зардап шегушілерге алғашқы медициналық көмек көрсету» кезеңі бойынша  сабақтар өткізіледі. Жүрек-өкпе реанимациясы (жан сақталуы), қан ағуды тоқтату, тыныс алу жолдарын босатып тазалау, көліктік жұмылдыру (транспортная иммобилизация), құтқару жұмыстары қажет, әртүрлі төтенше жағдайларда алғашқы медициналық көмек көрсету тәжірибелік дағдылары пысықталады. Сонымен қатар авариялық – құтқару құрал жабдықтарымен таныстыру жұмыстары жүргізіледі.
    «ОӨАЖҚЖ» ММ